అఖిల్ రాజ్ బిగ్ బాస్ 10: ప్రతీ ఏడాది లాగానే ఈ ఏడాది కూడా ‘బిగ్ బాస్’ సీజన్ చాలా గ్రాండ్ గా ప్లాన్ చేస్తున్నారు మేకర్స్. గత సీజన్లో చాలా పెద్ద బాక్ బస్టర్ హిట్ అవ్వడం , రికార్డు స్థాయిలో టీఆర్ఫీ రేటింగ్స్ ని నమోదు చేయడంతో , ఈసారి సెలబ్రిటీలను చాలా బలంగా ఉండేలా ప్లాన్ చేస్తున్నారు. నిత్యం సోషల్ మీడియా లో ట్రెండింగ్ లో ఉన్నవాళ్లను, కాంట్రవర్సీలతో ఆనందం చేసేవాళ్లను ఈ సీజన్ లో కూడా మనం చూడబోతున్నాం. గత రెండు రోజులుగా ‘రాజు వెడ్స్ రాంభాయ్’ హీరో అఖిల్ రాజ్ చుట్టూ జరుగుతున్న వివాదాలను మన కళ్లారా చూస్తూనే ఉన్నాం. డెలివరీ పై ఆయన చెయ్యి వేసి ముందుకు దూసుకొని రావడంపై సోషల్ మీడియా లో పెద్ద చర్చ సాగుతోంది.
తనపై వచ్చిన తీవ్రమైన నెగెటివిటీ ని గమనించిన అఖిల్ రాజ్ , ఆ ఘటన జరిగిన రోజే మరో వీడియో ని విడుదల చేస్తూ, తాను ఎందుకు అలా ప్రవర్తించాల్సి వచ్చిందో వివరణ ఇచ్చారు. ఇది మరుసటి రోజు కొంతమంది గుర్తు తెలియని వ్యక్తులు కొండాపూర్ అఖిల్ రాజ్ కారు పై దాడి చేశారు. అనంతరం తనపై దాడి చేసిన వారిపై అఖిల్ రాజ్ గుచ్చి బౌలి లో పోలీస్ కంప్లైంట్ కూడా ఇచ్చారు. అయితే ఈ వివాదం ఇక్కడితో ఆగలేదు , ఇదంతా అఖిల్ రాజ్ క్రియేట్ చేసిన డ్రామా అని , తన మనుషులకు డబ్బులిచ్చి , దాడి జరిగినట్టుగా పోలీసులను , జనాలను నమ్మించే ప్రయత్నం చేసి సానుభూతి పొందాలని చూస్తున్నారని , ఇలా పలు రకాల వాదనలు సోషల్ మీడియా లో వినిపిస్తున్నాయి. అయితే ఇతని పై ‘బిగ్ బాస్ టీం కన్ను పడినట్లు’.
ఈయన్ని సంప్రదించే ఆలోచనలో ఉన్నారట బిగ్ బాస్ నిర్వాహకులు. మొదటి నుండి బిగ్ బాస్ టీం కాంట్రవర్సీ చేసే సెలబ్రిటీలను తీసుకోవడానికే ఎక్కువగా మొగ్గు చూపిస్తూ వస్తోంది. గతంలో షణ్ముఖ్ జస్వంత్ ని ఈ క్యాటగిరీలోనే తీసుకున్నారు, అదే విధంగా సీజన్ 8 లో శేఖర్ బాషాని కూడా ఇదే క్యాటగిరీలో తీసుకున్నారు. ఇప్పుడు సీజన్ 10 కోసం అఖిల్ రాజ్ ని సంప్రదించే ఆలోచనలో ఉన్నారు, ఒకవేళ సంప్రదిస్తే మాత్రం అఖిల్ రాజ్ ఈ ఆఫర్ ని ఒప్పుకోవడం చాలా బెటర్ అని అంటున్నారు నెటిజెన్స్. అతని చేతుల్లో ఎలాంటి సినిమాలు లేవు , అంతే కాకుండా అతని పేరేంటో కూడా రెండు తెలుగు రాష్ట్రాల ప్రజలకు పూర్తిగా తెలియదు, బిగ్ బాస్ ద్వారా తెలుగు ఆడియన్స్ కి బాగా దగ్గరయ్యే అవకాశం వచ్చింది , దీన్ని వదులుకోకూడదు అంటూ సోషల్ మీడియా లో నెటిజెన్స్ కామెంట్స్ చేస్తున్నారు. రెమ్యూనరేషన్ కూడా భారీగానే ఆఫర్ చేసే ఆలోచనలో ఉందట బిగ్ బాస్ టీం.
