ఐసీసీ షెడ్యూలింగ్ వివాదం.. క్రికెటర్లకు చావు బెదిరింపులు! | ICC T20 వరల్డ్ కప్ షెడ్యూలింగ్ వివాదం 2026పై మాజీ క్రికెటర్ కేట్ క్రాస్ మరణ బెదిరింపులను ఎదుర్కొన్నాడు.

ఐసీసీ మహిళల టీ20 ప్రపంచ కప్ సెమీఫైనల్ మ్యాచ్‌ల షెడ్యూలింగ్ విధానంపై బహిరంగంగా విమర్శలు చేసిన మాజీ మహిళా క్రికెటర్ కేట్ క్రాస్ సోషల్ మీడియాలో ఊహించని రీతిలో చేదు అనుభవం ఎదురైంది. టోర్నమెంట్ నిబంధనలపై ఆమె చేసిన క్రీడాపరమైన కామెంట్లను తప్పుగా అర్థం చేసుకున్న కొందరు వ్యక్తులు.. ఆమెను లక్ష్యంగా చేసుకుని తీవ్రమైన వేధింపులకు, వ్యక్తిగత దూషణలకు దిగారు. ఈ ఏకంగా ఆమెకు ప్రాణహాని తలపెడతామంటూ చావు బెదిరింపులు రావడం ఇప్పుడు అంతర్జాతీయ క్రీడారంగంలో తీవ్ర సంచలనం సృష్టిస్తోంది.

కేట్ క్రాస్ తన సహచర మాజీ క్రీడాకారణి అలెక్స్ హార్ట్లీతో కలిసి ‘నో బాల్స్: ది క్రికెట్ పాడ్‌కాస్ట్’ తాజా ఎపిసోడ్‌లో ఈ ఘోరమైన అనుభవాన్ని పంచుకుంటూ ఆవేదన వ్యక్తం చేసింది. తాము కేవలం క్రీడాపరమైన నిష్పాక్షిక విమర్శ మాత్రమే చేశామని, దానికి ఏకంగా చంపేస్తామంటూ కామెంట్లు రావడం అత్యంత దురదృష్టకరమని కేట్ క్రాస్ ఖండించింది. అలెక్ హార్ట్లీ కూడా ఈ విషయంపై దృష్టి సారించింది.. తాము చేసిన ఓ ఇన్‌స్టాగ్రామ్ పోస్ట్‌కు సాధారణంగా కేవలం 30 కామెంట్లు మాత్రమే వస్తాయి.

వివాదానికి కారణమైన ఐసీసీ నిబంధన ఇదే..

మహిళల టీ20 వరల్డ్ కప్‌లో సెమీఫైనల్ మ్యాచుల నిర్వహణకు సంబంధించి ఐసీసీ రూపొందించిన కొన్ని ప్రత్యేక నియమాలపై కేట్ క్రాస్ అసంతృప్తి వ్యక్తం చేసింది. ఈ నిబంధనల ప్రకారం.. ఒకవేళ భారత జట్టు సెమీఫైనల్‌కు చేరుకుంటే, వారు లీగ్ పట్టికలో ఏ స్థానంలో నిలిచారు, మంగళవారం కచ్చితంగా నాటి మ్యాచ్‌లోనే ఆడతారనే విచిత్రమైన నిబంధనను ఐసీసీ పెట్టింది. టోర్నమెంట్‌లో ఏ ఒక్క నిర్దిష్ట జట్టు గెలుపోటములు లేదా స్థానాలను బేస్ చేసుకుని, ఒక అంతర్జాతీయ భారీ ఈవెంట్ షెడ్యూల్‌ను ముందుగానే అలా ఫిక్స్ చేయడం సరైన పద్ధతి కాదని, అది క్రీడా స్ఫూర్తికి విరుద్ధమని కేట్ క్రాస్ అభిప్రాయపడింది.