రావు బహదూర్: వెర్సటైల్ నటుడు సత్యదేవ్, దర్శకుడు వెంకటేష్ మహా కాంబినేషన్లో రూపొందించిన సైకలాజికల్ డ్రామా ‘రావు బహదూర్’ జూలై 3న ప్రేక్షకుల ముందుకు వచ్చింది. ప్రయోగాత్మక కథాంశంతో తెరకెక్కిన ఈ చిత్రం విడుదలైన మొదటి రోజే మంచి స్పందనను అందుకుంది. తొలి రోజే రూ.3.11 కోట్ల గ్రాస్ వసూలు చేసి ట్రేడ్ వర్గాల దృష్టిని ఆకర్షించింది. పాజిటివ్ టాక్ తో ఈ సినిమా మరింత జోష్ తో వస్తుంది. ఈ నేపథ్యంలో చిత్ర యూనిట్ నిర్వహించిన సక్సెస్ మీట్లో హీరో సత్యదేవ్ చేసిన కొన్ని ఆసక్తికర వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి.
ఈ విజయోత్సవ కార్యక్రమంలో మాట్లాడిన సత్యదేవ్ మొదట “సహజీవనం నాకు కొత్త కాదు” అని చెప్పడంతో ఒక్కసారిగా సభలో ఆశ్చర్య వాతావరణం కనిపించింది. అనంతరం ఆయన వెంటనే ఆ వ్యాఖ్యకు వివరణ ఇస్తూ, అది తన వ్యక్తిగత జీవితానికి సంబంధించినది కాదని స్పష్టం చేశారు. ఒక నటుడిగా తాను పోషించే ప్రతి పాత్రతో మానసికంగా పూర్తిగా మమేకమై జీవిస్తానని, ఆ పాత్ర తనలోనే కొనసాగుతుందని వివరించారు. ప్రతి క్యారెక్టర్తో తాను సహజీవనం చేస్తానని అన్నారు. దీంతో అక్కడ ఉన్న వాళ్ళంతా ఒక్కసారిగా ఊపిరి పీల్చుకున్నారు. ఈ సత్యదేవ్ పోషించిన భువనరామప్ప రావు బహదూర్ పాత్ర ఆయన కెరీర్లోనే అత్యంత క్లిష్టమైన పాత్రలో ఒకటిగా నిలిచింది. 1968 నుంచి 1991 వరకు సాగే కథలో యువకుడి నుంచి లివర్ క్యాన్సర్ చివరి దశలో ఉన్న వృద్ధుడి వరకు విభిన్న దశల్లో కనిపిస్తూ ఆయన పూర్తిగా పాత్రలో లీనమయ్యారు. ఒకే గదిలో ఎక్కువ భాగం సాగే ఈ సైకలాజికల్ డ్రామాలో విమర్శకుల నుంచి కూడా ప్రశంసలు లభిస్తున్నాయి. షూటింగ్ పూర్తయిన తర్వాత కూడా ఆ పాత్ర ప్రభావం నుంచి బయటపడేందుకు తనకు కొంత సమయం పట్టిందని సత్యదేవ్ కూడా.
మహేష్ బాబు, నమ్రత శిరోద్కర్ సమర్పణలో రూపొందించిన ఈ చిత్రంలో వికాస్ ముప్పాల, దీపా థామస్ కీలక పాత్రలు పోషించారు. ఈ సినిమా తెలుగు సినిమాకు కొత్త తరహా కథనాన్ని అందిస్తుందనే అభిప్రాయాలు వ్యక్తమవుతున్నాయి. అయితే ప్రస్తుతం సోషల్ మీడియాలో సత్యదేవ్ చెప్పిన “సహజీవనం” మాట మాత్రం వైరల్ అవుతోంది. పూర్తి వీడియో చూడకుండా ఆ ఒక్క మాటను మాత్రమే చేయడంతో అపార్థాలు ఏర్పడకుండా, ఆయన ఇచ్చిన వివరణతో అసలు ఉద్దేశం ఏమిటో స్పష్టమైంది. ఒక నటుడు తన పాత్రతో ఎంతగా మమేకమవుతాడో చెప్పడానికి ఈ పోలిక ఇప్పుడు టాలీవుడ్లో చర్చనీయాంశంగా మారింది.
“నిరాశ నాకు కొత్త కాదు… విజయం.”
ఆ ఒక్క లైన్ సక్సెస్తో దానికి సరైన సమాధానం దొరికింది #రావుబహదూర్. ❤️🔥
కష్టపడి పనిచేయడం ఎల్లప్పుడూ త్వరగా లేదా తరువాత ప్రతిఫలాన్ని ఇస్తుంది. మరోసారి, @నటుడు సత్యదేవ్ అన్న నిరూపించింది. 🙌❤️
నిజంగా అర్హమైన విజయం! 🔥 pic.twitter.com/ArhxUe77B4
— 𝗠𝗮𝗻𝗼𝗵𝗔𝗔𝗿 🐎🗡️ (@Fire__brAAnd) జూలై 4, 2026
