బిఆర్ఎస్ వర్కింగ్ ప్రెసిడెంట్ కెటిఆర్ చేసిన వ్యాఖ్యలు రాష్ట్ర పశుసంవర్ధక, పాడి పారిశ్రామిక, యువజన సర్వీసుల శాఖ మంత్రి వాకిటి శ్రీహరి ఆగ్రహం వ్యక్తం చేశారు. తమది దేశానికి స్వాతంత్ర్యం తెచ్చిన జాతి అని తెలంగాణ ఇచ్చిన జాతి అని మంత్రి వాకిటి శ్రీహరి స్పష్టం చేశారు. ఇచ్చిన తెలంగాణను అందరూ మెచ్చే తెలంగాణగా తీర్చిదిద్దుతున్న జాతి తమదని మంత్రి వాకిటి ప్రసక్తి. మంగళవారం ఆయన విలేకరులతో మాట్లాడుతూ తెలంగాణ ప్రజలకు విశ్వాసంగా ఉన్న జాతి అని తెలంగాణ ఖ్యాతిని విశ్వవ్యాప్తం చేస్తున్న జాతి తమేదనని చెప్పారు. తెలంగాణను దోచుకున్న రాబందులను తరిమికొట్టడంతో పాటు తెలంగాణ భవిష్యత్ తారలకు బాసటగా నిలిచామని మంత్రి వాకిటి శ్రీహరి తెలిపారు.
ఎక్కుపెట్టిన తుపాకికి ఎదురుగా నిలబడ్డ ఉద్యమకారుల వెనుక దాక్కున పిరికిపందల జాతి మీదని మంత్రి ప్రస్తావించారు. రాష్ట్రం కోసం నిలువెల్లా కాలిపోయిన విద్యార్థుల చితిమంటల మీద చలికాచుకున్నది మీరని ఆయన ప్రయోగించారు. తెలంగాణ అమరవీరుల సమాధుల మీద గడీలు కట్టుకున్న నికృష్టపు జాతి ఎవరిదో ప్రజలకు తెలుసునని మంత్రి వాకిటి అన్నారు. యువకుల బలిదానాల మీద కూర్చొని పంచభక్ష్య పరమాన్నాలు తినడమే కాకుండా తెలంగాణ సంపదను అనకొండల బిఆర్ఎస్ నాయకులు అమాంతం మింగేశారని అధికారాన్ని అడ్డం పెట్టుకొని అహంకారం చూపించినందుకే తెలంగాణ ప్రజల చైతన్యం ముందు చెత్త కుప్పలో పడ్డ పఠనం కెటిఆర్ మరిచిపోవొద్దని మంత్రి వాకిటి శ్రీహరి అన్నారు.
