వరస కార్యక్రమాలను డిజైన్ చేస్తున్న వైసీపీ

అనుబంధ సంఘాలను ….

వైసీపీ ఈ నెల 28వ తేదీన పార్టీ యువత, విద్యార్థి విభాగం ఆధ్వర్యంలో నిరసన తెలియజేయాలని నిర్ణయించింది. రాష్ట్రవ్యాప్తంగా డీఎస్సీ పరీక్షల్లో అక్రమాలతో పాటు నీటి పరీక్షల్లో జరిగిన తప్పులు, నిరుద్యోగ భృతి, ఫీజు రీఎంబర్స్ మెంట్ బకాయీల విషయంపై వైసీపీ యువత రాష్ట్ర వ్యాప్త నిరసనల్లో పాల్గొనాలని పార్టీ కేంద్ర కార్యాలయం పిలుపునిచ్చింది. డీఎస్సీలో జరిగిన అక్రమాలపై కూడా పోరాడేందుకు ఈ నెల 28న మరో పోరాటానికి పిలుపునిచ్చింది. ఇప్పటికే మహిళ విభాగం కూడా ఇటీవల గుంటూరులో మహిళపై జరిగిన ఘటనపై ఆందోళన రాష్ట్ర వ్యాప్తంగా జరిగింది.

సామాజికవర్గాల వారిగా…

ఇప్పటికే కాపు సామాజికవర్గం నేతల సమావేశాన్ని తూర్పు గోదావరి జిల్లాలో నిర్వహించారు. కాపు సామాజికవర్గం నేతలందరూ ఒక్కటి కావాలని, కాపు రిజర్వేషన్ల కోసం ప్రభుత్వంపై పార్టీలకతీతంగా ఒత్తిడి తేవాలని నిర్ణయించారు. మరో సమావేశాన్ని కూడా ఏర్పాటు చేయనున్నారు. ఇక ఆగస్టు 9వ తేదీన విజయవాడలో బీసీ గర్జన సభ పెట్టాలని వైసీపీ నిర్ణయించింది. సామాజిక న్యాయం పేరుతో ఈ సభను కలిగి ఉన్నారు వైసీపీకి బీసీ నేతలు. విజయవాడ వేదికగా… బీసీ గర్జనలో ప్రతి బీసీ పాల్గొని విజయవంతం చేసేందుకు సిద్ధమయ్యారు. ప్రభుత్వం బీసీలకు చేస్తున్న అన్యాయంపై గళం విప్పాలని అన్నారు. అందుకే లక్షలాది మంది బీసీ లు ఈ గర్జనకు తరలి రావాలని వైసీపీకి చెందిన బీసీ నేతలు పిలుపునిచ్చారు. బీసీలకు కూటమి ప్రభుత్వంలో న్యాయం జరిగే వరకు పోరాడతామని చెబుతున్నారు. మొత్తం మీద జగన్ పార్టీ ఎన్నికలకు ముందుగానే స్పీడ్ పెంచింది.