Moto Pad 70: Motorola నుండి కొత్త ఆండ్రాయిడ్ ట్యాబ్లెట్ Moto Pad 70nu భారత మార్కెట్లో ఆగస్టు 9న విడుదల చేయబడ్డ కంపనీ ప్రకటించింది. లాంచ్కు ముందే ఫ్లిప్కార్ట్లో ప్రత్యేక మైక్రోసైట్ అందుబాటులోకి రావడంతో ఈ ట్యాబ్లెట్కు సంబంధించిన కీలక ఫీచర్లు అధికారికంగా వెలువరించబడ్డాయి. 5G కనెక్టివిటీ, పెద్ద 12.1-ఇన్టాక్ డిస్ప్లే, మీడియాటెక్ డైమెన్సిటీ 6400 ప్రాసెసర్, భారీ 10,200mAh బ్యాటరీ వంటి ఫీచర్లతో ఈ ట్యాబ్లెట్ రానుంది.
2.5K డిస్ప్లే:
Moto Pad 70లో 12.1-ఇంకా 2.5K రిజల్యూషన్ డిస్ప్లేను అందిస్తున్నారు. ఈ స్క్రీన్ 800 నిట్స్ హై బ్రైట్నెస్ మోడ్ (HBM)ను సపోర్ట్ చేయడంతో పాటు DCI-P3 కలర్ గామట్లో 96 శాతం కవరేజ్ అందిస్తుంది. ఈ వీడియోలు, గేమింగ్, కంటెంట్ వీక్షణకు మెరుగైన విజువల్ అనుభవాన్ని అందించనుంది. ఈ ట్యాబ్లెట్తో పాటు Moto పెన్ను కూడా కంపెనీ బాక్స్లోనే అందించనుంది. ఇందులో 4096 స్థాయిల ప్రెషర్ సెన్సిటివిటీ, టిల్ట్ డిటెక్షన్, పామ్ రిజెక్షన్ వంటి ఫీచర్లు ఉన్నాయి. డ్రాయింగ్, నోట్ తీసుకోవడం, డిజిటల్ రైటింగ్ వంటి పనులకు ఇది ఉపయోగపడుతుంది.
AI ఫీచర్లు:
Moto Pad 70లో పలు AI ఆధారిత ఫీచర్లు అందుబాటులో ఉన్నాయి. ఇందులో ఏఐ రీరైట్, సర్కిల్ టు సెర్చ్, ఏఐ సారాంశం, ఏఐ కంటిన్యూ రైటింగ్ వంటి ఫీచర్లతో పాటు గూగుల్ జెమినీ ఇంటిగ్రేషన్ కూడా ఉంటుంది. ఇవి కంటెంట్ రైటింగ్, సెర్చ్, నోట్స్ తయారీ వంటి పనులను మరింత సులభతరం చేస్తుంది.
చిప్ సెట్, భారీ బ్యాటరీ:
ఈ ట్యాబ్లెట్లో MediaTek Dimensity 6400 ప్రాసెసర్ను అందించారు. ట్యాబ్లెట్ మందం కేవలం 6.29mm కాగా, బరువు 530 గ్రాములు మాత్రమే. ఇందులో 10,200mAh బ్యాటరీని అమర్చారు. దీనికి 68W TurboPower ఫాస్ట్ ఛార్జింగ్ సపోర్ట్ కూడా ఉంది. అలాగే ఇందులో డాల్బీ ఆటమ్స్ సపోర్ట్ క్వాడ్ డిస్క్వరీస్ ఉంటాయి. అలాగే Smart Connect ఫీచర్ ద్వారా ఇతర మోటోరోలా డివైస్లతో ఫైళ్లను సులభంగా షేర్ చేసుకోవచ్చు.
Moto Pad 70 ఆండ్రాయిడ్ 16 ఆపరేటింగ్ సిస్టమ్తో ముందుగానే వస్తుంది. దీనికి ఆండ్రాయిడ్ 18 వరకు OS అప్డేట్లు, అలాగే 2030 వరకు సెక్యూరిటీ అప్డేట్లు అందుతాయని మోటరోలా హామీ ఇచ్చింది. Moto Pad 70 భారత మార్కెట్లో ఆగస్టు 9న లాంచ్. లాంచ్ అనంతరం ఫ్లిప్కార్ట్ కొనుగోలుకు అందుబాటులోకి రానుంది.
