అమెరికా ఇరాన్ యుద్ధ విశ్లేషణ: రక్తపుటేరులు పారుతుంటే.. మాంసం వ్యాపారులకు గిరాకీ ఉంటుంది. ఆ ఏరులు అలాగే పారాలి అని వ్యాపారులు అనుకుంటారు. ఇది ఒక ఆఫ్రికన్ సామెత.. ఇప్పటి నవీన కాలానికి ఇది నూటికి నూరు శాతం సరిపోతుంది. అలా చేసింది అమెరికా.. అగ్రరాజ్యంగా ప్రపంచం మీద పెత్తనం సాగిస్తున్న అమెరికా.. ప్రతిసారి ఏదో ఒక పెంట చేయడం.. దానిని ప్రపంచం మీద రుద్దడం అలవాటుగా మారిపోయింది. దీనివల్ల మిగిలిన దేశాలు నరకం చూస్తున్నాయి. ధరలు.. ఆర్థిక స్థిరత్వాన్ని కోల్పోవడం.. ఇంకా అనేక సమస్యలు ఎదురవుతున్నాయి. ఇంత జరిగినప్పటికీ అమెరికాకు బుద్ధి రావడం లేదు. బుద్ధి తెచ్చుకోవడం లేదు.
అధ్యక్షులు మాత్రమే మారుతున్నారు
అమెరికా తీరు ఎలా ఉందంటే.. ప్రతిసారి అధ్యక్షుడు మారినప్పుడు.. అమెరికా చేస్తున్న యుద్ధ తీవ్రత మారుతోంది. బిల్ క్లింటన్, బుష్, ఒబామా, ట్రంప్, బైడాన్, ట్రంప్.. ఇలా ప్రతి సందర్భంలో అమెరికా ఇతర దేశాల మీద యుద్ధాలు చేయడం.. యుద్దాల పేరుతో ఆయుధాల వ్యాపారాలు చేయడం అలవాటుగా మార్చుకుంది. ఒక అవసరాన్ని సృష్టించడం.. దానికోసం ఒత్తిడి తీసుకురావడం.. అవసరం తీరే విధంగా తానే ఏర్పాట్లు చేయడం.. ఇలా త్రిపద సిద్ధాంతాన్ని అమెరికా అమలు చేస్తోంది. దండిగా సంపాదించుకుంటున్నది.
తాజా ఇరాన్ యుద్ధంలో అమెరికాకు సంబంధం లేదు. అసలు అమెరికా వేలు పెట్టాల్సిన అవసరం లేదు. కేవలం న్యూక్లియర్ వెపన్స్ పేరుతో అమెరికా ఇందులోకి ప్రవేశించింది. ఇరాన్ న్యూక్లియర్ వెపన్స్ చేస్తుంది అనే అంశం మీద ఇప్పటికీ అమెరికాకు ఒక క్లారిటీ లేదు. ఇరాన్ న్యూక్లియర్ వెపన్స్ తయారు చేయడం అనే దానిని కూడా ఇంతవరకు బయట పెట్టలేకపోయింది. శుద్ధి యురేనియం ఇరాన్ వద్ద ఉందని అమెరికా అనేక సందర్భాల్లో ఆరోపించినట్లు.. అది ఆరోపణగానే మిగిలిపోయింది. నిజానికి చైనా.. ఉత్తరకొరియా.. పాకిస్థాన్.. వంటి దేశాల మధ్య న్యూక్లియర్ వెపన్స్ ఉన్నాయి. వాటి జోలికి అమెరికా వెళ్లదు. పైగా ఇటీవల ట్రంప్ చైనా వెళ్ళినప్పుడు.. దారుణమైన అవమానాలు ఎదుర్కోవాల్సి వచ్చింది. చివరికి చైనా ఇచ్చిన బహుమతులను కూడా అనుమానంతో బయట పడేయాల్సిన పరిస్థితి ఏర్పడింది.
ఇజ్రాయిల్ ఒత్తిడి వల్ల ఇరాన్ మీద అమెరికా యుద్ధం చేసింది. అయితే ఆ తర్వాత ఇజ్రాయిల్ తెలివిగా పక్కకు తప్పుకుంది. దీంతో అమెరికా యుద్ధం చేయాల్సి వచ్చింది. 14 షరతుల జాబితాలో 300 బిలియన్ డాలర్లు ఇరాన్ దేశానికి అమెరికా ఇవ్వాల్సి ఉందని వార్తలు వస్తున్నాయి.
ఇరాన్ పట్టుబట్టిన ప్రతి అంశానికి అమెరికా ఓకే చెప్పింది. అలాంటప్పుడు ఈ యుద్ధంలో అగ్రరాజ్యం గురించి ఏముందని వార్తలు వస్తున్నాయి. హర్ముజ్ జల సంధిని గుర్తించడం.. ట్రంప్ సాధించిన అచీవ్మెంట్ మాత్రమే. అంతకుమించి అమెరికాకు ఒరిగింది ఏమీ లేదు.
