ప్రముఖ టీవీ నటి, ‘ఛావా’ సినిమాలో తారాబాయి పాత్రలో నటించిన 22 ఏళ్ల సంచిత ఉగాలే ఆత్మహత్య కేసులో పోలీసులు తొలి అధికారిక ప్రకటన విడుదల చేశారు. ముంబై నలసోపరాలోని అచోలే పోలీస్ స్టేషన్కు చెందిన అసిస్టెంట్ పోలీస్ ఇన్స్పెక్టర్ వినోద్ బాగ్ దర్యాప్తుకు సంబంధించిన కీలక వివరాలు.
ఆయన మాట్లాడుతూ.. “అచోలే పోలీస్ స్టేషన్ పరిధిలో 22 ఏళ్ల సంచిత మచ్చీంద్ర ఉగాలే తన నివాసంలో కొన్ని కారణాల వల్ల ఉరివేసుకుని ఆత్మహత్య చేసుకుంది. ఆమె తండ్రి ఇచ్చిన ఫిర్యాదు మేరకు ఆకస్మిక మృతి కేసు నమోదు చేశాం. సంచిత మృతికి అసలు కారణం దర్యాప్తులో తేలుతుంది. ఆ తర్వాత తదుపరి చర్యలు తీసుకుంటాం” అని అధికారి తెలిపారు.
అలాగే, ఇప్పటివరకు ఘటనాస్థలంలో ఎలాంటి సూసైడ్ నోట్ లభించలేదని పోలీసులు. అలాగే తన కుమార్తె మరణానికి సంబంధించి ఎవరిపైనా ఎలాంటి అనుమానాలు లేవని సంచిత తండ్రి లేదా ఏపీఐ వినోద్ బాగ్ తెలిపారు. అయితే, ఆదివారం జూన్ 14, 2026న సాయంత్రం 6.30 నుంచి 7.30 గంటల సమయంలో ఆమె ఆత్మహత్యకు పాల్పడినట్లు పోలీసుల ప్రాథమిక దర్యాప్తులో తేలింది.
సోషల్ మీడియాలో ఎంతో యాక్టివ్గా ఉండే సంచిత ఉగాలే ఆకస్మిక అభిమానులు, సహనటులను తీవ్ర దిగ్భ్రాంతికి గురి చేసింది. కేవలం 22 ఏళ్ల వయసులో ఆమె ఈ నిర్ణయం ఎందుకు తీసుకుందనే కోణంలో పోలీసులు అన్ని అంశాలను పరిశీలిస్తున్నారు.
#చూడండి | నలసోపరా, మహారాష్ట్ర | అచోలి పోలీస్ స్టేషన్ పరిధిలో ఒక కేసు నమోదైంది. మిస్ సంచితా ఉగాలే (22) తన ఇంట్లోనే ఉరివేసుకుని ఆత్మహత్యకు పాల్పడిందని… మరణానికి గల కారణాలను ఇందులో వెల్లడిస్తామని అచోలి పోలీస్ స్టేషన్కు చెందిన API వినోద్ బాగ్ తెలిపారు. https://t.co/L7JusjMW1g pic.twitter.com/o0AESRpPDO
– ANI (@ANI) జూన్ 15, 2026
షాక్లో టీవీ ఇండస్ట్రీ.. పలు అనుమానాలు!
ఎంతో యాక్టివ్గా ఉంటే సంచిత ఉగాలే (22) ఆత్మహత్య చేసుకోవడంపై పలు అనుమానాలు వ్యక్తమవుతున్నాయి. ముంబై లోని నలసోపరాలో ఆమె తన ఇంట్లో విగతజీవిగా కనిపించడంతో అందరు షాక్ అయ్యారు. ఈ కారణంగానే ఆమె ఆత్మహత్యకు గల కారణాలపై పోలీసులు అన్ని కోణాల్లో దర్యాప్తు చేస్తున్నారు.
►ఇంకా చదవండి | OTT ప్రకటనలు: డబ్బులు కట్టి సబ్స్క్రిప్షన్ కొనుక్కున్నా యాడ్స్ గోల తప్పట్లే..
కుటుంబ సభ్యులు, సహనటుల వాంగ్మూలాలు సేకరించి, పోస్టుమార్టం నివేదిక అనంతరం తదుపరి విచారణ కొనసాగనుంది. సంచిత చివరిసారిగా రీల్లో డ్యాన్స్ చేస్తూ కనిపించిన వీడియో వైరల్ అవ్వడంతో అభిమానులు భావోద్వేగానికి గురవుతున్నారు.
