డొనాల్డ్ ట్రంప్ కుమార్తె భద్రత: అమెరికా అధ్యక్షుడి కుమార్తె ఇవాంకా ట్రంప్ను లక్ష్యంగా చేసుకుని సాగిన ఒక భయంకరమైన హత్య కుట్ర వెలుగులోకి రావడం ఇప్పుడు అంతర్జాతీయంగా సంచలనం సృష్టిస్తోంది. ఇరాన్ మద్దతు ఉన్న ఒక ఉగ్రవాది ఈ దారుణానికి ఒడిగట్టేందుకు పక్కా ప్లాన్ వేశారని అమెరికన్ ఇంటెలిజెన్స్ వర్గాలు వెల్లడించాయి. కేవలం మాటలకే పరిమితం కాకుండా, ఇవాంకా నివాసముంటున్న ఫ్లోరిడా ఇంటి బ్లూప్రింట్లు కూడా నిందితుడి వద్ద లభించడం పరిస్థితి తీవ్రతను సూచిస్తోంది.
రివేంజ్ ప్లాన్ – ఎందుకీ కుట్ర?
ఈ కుట్ర వెనుక మహమ్మద్ బాకర్ సాద్ దావూద్ అల్-సాదీ అనే 32 ఏళ్ల ఇరాకీ జాతీయుడు ఉన్నట్లు నిర్ధారించారు. ఇతడు ఇరాన్ శక్తివంతమైన ఇస్లామిక్ రివల్యూషనరీ గార్డ్ కార్ప్స్తో సంబంధాలు ఉన్నాయని సమాచారం. 2020లో ట్రంప్ ప్రకారం అమెరికా జరిపిన డ్రోన్ దాడిలో ఇరాన్ సైన్యాధ్యక్షుడు ఖాసీం సులేమానీ మరణించిన సంగతి తెలిసిందే. తన సులేమానీ మరణానికి ప్రతీకారంగా, ట్రంప్ ఇంటిని తగలబెట్టాలంటే ఇవాంకాను చంపాలి అని అల్-సాదీ గురువు ప్రతిజ్ఞ చేసినట్లు నిఘా వర్గాలను గుర్తించారు.
🚨 పవిత్ర చెత్త! ప్రెసిడెంట్ ట్రంప్ కుమార్తె ఇవాంకా ట్రంప్ ఒక ఇరానియన్ IRGC-శిక్షణ పొందిన తీవ్రవాది – NYP ద్వారా హత్యా పథకంలో లక్ష్యంగా చేసుకున్నారు.
ఇటీవల ఫెడరల్ లా ఎన్ఫోర్స్మెంట్కి పట్టుబడిన ఇరాక్ జాతీయుడు మొహమ్మద్ అల్-సాది, ఇవాంకాను బయటకు తీసుకువెళతానని “ప్రతిజ్ఞ” చేసాడు మరియు ఆమె యొక్క బ్లూప్రింట్ కలిగి ఉన్నాడు… pic.twitter.com/sX2CY2i1n6
– ఎరిక్ డాగెర్టీ (@EricLDaugh) మే 23, 2026
అమెరికా నిఘా వలయం – నిందితుడి అరెస్ట్
అదృష్టవశాత్తూ ఈ కుట్రను అమెరికన్ భద్రతా సంస్థలు ఆదిలోనే పసిగట్టాయి. నిందితుడు అల్-సాదీ మే 15న టర్కీలో పట్టుబడగా, అతడిని తాజాగా అమెరికాకు అప్పగించారు. అతడి సోషల్ మీడియా ఖాతాలను పరిశీలించినప్పుడు, మీ రాజభవనాలు కానీ, సీక్రెట్ సర్వీస్ కానీ మిమ్మల్ని రక్షించలేవు.. ప్రతీకారం తీర్చుకునే సమయం ఆసన్నమైంది అంటూ అరబిక్లో హెచ్చరికలు ఉన్నట్లు తేలింది. ప్రస్తుతం అతడిని న్యూయార్క్లోని ఒక జైలులో ఉంచి విచారిస్తున్నారు.
కలిసి ప్రార్థిద్దాం
స్వర్గపు తండ్రీ, అన్ని అవగాహనలను అధిగమించే మీ శాంతితో ఇవాంకాను కప్పి ఉంచండి. ఆమె హృదయాన్ని, ఆమె మనస్సును, ఆమె ఇంటిని మరియు ఆమె కుటుంబాన్ని కాపాడుకోండి. మీ దేవదూతలను ఆమె ముందు, ఆమె వెనుక మరియు ఆమె పక్కన పంపండి. మీరు ఉన్నారని తెలుసుకుని ఆమె భద్రత, బలం మరియు ధైర్యంతో నడవనివ్వండి… pic.twitter.com/yNNoHwGF0s
— ⁿᵉʷˢ బారన్ ట్రంప్ 🇺🇸 (@BarronTNews_) మే 23, 2026
ట్రంప్ కుటుంబంపై పెరుగుతున్న ముప్పు
కేవలం ఇవాంకా మాత్రమే కాకుండా, అధ్యక్షుడు ట్రంప్ , ఆయన కుటుంబ సభ్యులందరిపై గత కొన్నాళ్లుగా భద్రతాపరమైన ముప్పు పెరుగుతోంది. ముఖ్యంగా ఇరాన్తో సంబంధాలు దెబ్బతిన్నందున, ఈ దాడుల హెచ్చరికలు వాషింగ్టన్ వర్గాలను ఆందోళనకు గురిచేస్తున్నాయి. ఇప్పటికే సీక్రెట్ సర్వీస్ విభాగం ట్రంప్ కుటుంబానికి భద్రతను అత్యంత కట్టుదిట్టం చేసింది. ఏప్రిల్ 2026లో కూడా వాషింగ్టన్లో ట్రంప్ పాల్గొన్న ఒక ఈవెంట్లో భద్రతా లోపాలు బయటపడటంతో అధికారులు ఇప్పుడు మరింత అప్రమత్తమయ్యారు. ప్రస్తుతం ఇవాంకా క్షేమంగా, ఈ అంతర్జాతీయ ఉగ్రవాద కుట్ర వెలుగుచూడడంతో అమెరికా రక్షణ వ్యవస్థలు హై-అలర్ట్ ప్రకటించాయి. “చీకటి శక్తులు విజయం సాధించవు” అన్న నమ్మకంతో ట్రంప్ పరిపాలన ముందడుగు వేస్తోంది.
ఇంకా చదవండి
