- ఫ్రాంక్ఫర్ట్ విమానాశ్రయంలో కలకలం రేపిన డ్రీమ్లైనర్ ఘటన
- నోస్ ల్యాండింగ్ గేర్ వైఫల్యమే కారణమా..?
- ప్రమాద సమయంలో విమానంలో ప్రయాణికులు ఉన్నారా?
- లుఫ్తాన్సా విచారణ.. అసలు కారణాలపై దర్యాప్తు ప్రారంభం
లుఫ్తాన్స బోయింగ్ 787 : ఫ్రాంక్ఫర్ట్ విమానాశ్రయంలో గురువారం ఒక నాటకీయ సంఘటన జరిగింది. టెర్మినల్ 1 లోని గేట్ సమీపంలో పార్క్ చేసి ఉన్న లుఫ్తాన్సా ఎయిర్లైన్స్కు చెందిన ‘బోయింగ్ 787-9 డ్రీమ్లైనర్’ విమానం ముందు భాగం (ముక్కు భాగం) ఒక్కసారిగా నేలపైకి కుంగిపోయింది. విమానం నేలను తాకుతూ ఉన్న దృశ్యాలు సోషల్ మీడియాలో వైరల్ కావడంతో విమానాశ్రయ సిబ్బంది తక్షణమే స్పందించి భారీ స్థాయిలో అత్యవసర సహాయక చర్యలు చేపట్టారు. ఈని ఎయిర్పోర్ట్ ఆపరేటర్ ఫ్రాపోర్ట్ (ఫ్రాపోర్ట్) ,లుఫ్తాన్సా సంస్థలు ధృవీకరించాయి ప్రమాదకరం.
ఈ ఘటనపై ఫ్లైట్రాడార్24 (ఫ్లైట్రాడార్24) సూచన.. గేట్ వద్ద ల్యాండింగ్ గేర్ కుప్పకూలడంతో లుఫ్తాన్సా 787-9 (D-ABPQ) విమానం తీవ్రంగా దెబ్బతిన్నదని, దీనివల్ల ఆ రోజు జరగాల్సిన LH450 సర్వీసును రద్దు చేసినట్లు ప్రకటించింది.
అసలు ఏం జరిగింది?
ఈ ప్రమాదానికి గల ఖచ్చితమైన కారణాలు ఇంకా తెలియరాలేదు. ఎయిర్పోర్ట్ ఆపరేటర్ ఫ్రాపోర్ట్ ప్రతినిధి తెలిపిన వివరాల ప్రకారం, విమానం గేట్ వద్ద పార్క్ చేసి ఉన్న సమయంలోనే ఈ ఘటన జరిగింది. సామాజిక మాధ్యమాల్లో షేర్ అయిన వీడియోల ప్రకారం, విమానం ‘నోస్ ల్యాండింగ్ గేర్’ (ముందు చక్రాల వ్యవస్థ) అకస్మాత్తుగా విఫలం కావడంతో ముందు చక్రాలు ముందుకు వంగిపోయి, విమానం ముందు భాగం ఒక్కసారిగా కిందికి పడిపోయింది. ఈ ల్యాండింగ్ గేర్ పరిసరాల్లోని కొన్ని ప్యానెళ్లు కూడా విరిగిపోయాయి. విమానం ఇంజన్లు కూడా నేలకు చాలా దగ్గరగా వచ్చినట్లు దృశ్యాల ద్వారా తెలుస్తోంది.
విమానంలో ప్రయాణికులు ఉన్నారా?
ప్రమాదం జరిగిన సమయంలో బోయింగ్ 787-9 డ్రీమ్లైనర్ విమానంలో ఎలాంటి ప్రయాణికులు లేరని లుఫ్తాన్సా సంస్థ పేర్కొంది బ్లూమ్బెర్గ్ న్యూస్ నివేదించింది. అయితే, నోస్ ల్యాండింగ్ గేర్ కుప్పకూలిన ఈ ఘటనలో కొద్దిమందికి గాయాలైనట్లు నివేదికలు కనిపిస్తున్నాయి. బాధితుల పూర్తి వివరాలు, వారిపై అధికారులు ఇంకా స్పష్టత ఇవ్వాల్సి ఉంది. ప్రమాదం జరిగిన వెంటనే ఫైర్ ఫైటర్లు, రెస్క్యూ టీమ్లతో కూడిన అత్యవసర సేవల రంగంలోకి దిగారు.
చిక్కుకుపోయిన లగేజీ వాహనం
ప్రమాదం జరిగే సమయానికి విమానం పక్కనే ఒక లగేజీ కన్వేయర్ వాహనం నిలిపి ఉంచారు. విమానం ముందు భాగం ఒక్కసారిగా కిందికి పడిపోవడంతో, తెరిచి ఉన్న విమానం తలుపు (డోర్) ఆ వాహనంపై బలంగా ఒత్తిడి తెచ్చి, దాన్ని కింద నొక్కేసింది. ఆ సమయంలో విమానం సమీపంలోని ఇద్దరు సిబ్బంది వీడియో ఫుటేజీలో కనిపించింది. అయితే ఈ ప్రమాదం వల్ల వారు ప్రభావితమయ్యారా లేదా అనేదానిపై అధికారులు ఇంకా ఎలాంటి ప్రకటన చేయలేదు.
ప్రమాదానికి గురైన విమానం ఏది?
ఈ ప్రమాదంలో చిక్కుకున్న విమానం బోయింగ్ 787-9 డ్రీమ్లైనర్ రకానికి చెందినది, దీనికి “హెర్నే” (హెర్నే) అని పేరు పెట్టారు. నివేదికల ప్రకారం, ఈ విమానం జనవరి 2026 రెగ్యులర్ లోనే ప్యాసింజర్ సర్వీసులోకి ప్రవేశించింది. అంటే లుఫ్తాన్సా సంస్థ ఫ్లీట్లో చేరిన సరికొత్త విమానాల్లో ఇది ఒకటి. సాధారణంగా సుదూర అంతర్జాతీయ ప్రయాణాలకు, ఇంధన సామర్థ్యానికి ఈ బోయింగ్ 787 డ్రీమ్లైనర్ విమానాలు ఎంతో ప్రసిద్ధి చెందాయి.
దర్యాప్తు ప్రారంభం
ఈ విమాన ప్రమాదంపై లుఫ్తాన్సా ఇప్పటికే విచారణకు ఆదేశించింది. పరిస్థితిని సమీక్షించడానికి ఒక సంక్షోభ నిర్వహణ బృందాన్ని (Crisis Management Team) ఏర్పాటు చేసింది. ల్యాండింగ్ గేర్ వైఫల్యానికి గల కారణాలను అన్వేషించడంతో పాటు, విమానానికి జరిగిన నష్టాన్ని అంచనా వేసే పనిలో అధికారులు నిమగ్నమయ్యారు. దర్యాప్తు పురోగమించే కొద్దీ మరిన్ని వివరాలు వెల్లడవుతున్నాయి.
ఫ్రాంక్ఫర్ట్లోని గేట్ వద్ద గేర్ కూలిపోవడంతో, లుఫ్తాన్స 787-9 D-ABPQ గణనీయంగా దెబ్బతింది. నేటి LH450 రద్దు చేయబడింది. ఏవైనా సంభావ్య గాయాల గురించి మరింత సమాచారం కోసం మేము ఎదురుచూస్తున్నాము. pic.twitter.com/FTBK4m2WyS
— Flightradar24 (@flightradar24) జూన్ 4, 2026
