– ప్రకటన –
నవతెలంగాణ – హైదరాబాద్ : పెట్రోల్, డీజిల్ సరఫరాపై కేంద్ర ప్రభుత్వం మరో కీలక నిర్ణయం తీసుకుంది. పరిశ్రమలు, వాణిజ్య సంస్థలు, పెద్ద కంపెనీలు ఇకపై పెట్రోల్ బంకుల నుంచి పెద్ద మొత్తంలో ఇంధనం కొనుగోలు చేయకుండా ఆంక్షలు విధించింది. ఈ మేరకు పెట్రోలియం శాఖ ఆదేశాలు జారీ చేసింది. ప్రస్తుతం కొన్ని ప్రాంతాల డీజిల్‌కు అసాధారణంగా డిమాండ్ పెరిగినట్లు ప్రభుత్వం గుర్తించింది. బల్క్‌కు విక్రయించే డీజిల్ ధర, సాధారణ పెట్రోల్ బంకుల్లోని ధర కంటే ఎక్కువగా ఉండటంతో బంకుల నుంచే భారీగా కొనుగోళ్లు జరుగుతున్నాయి. దీంతో సాధారణ సరఫరాకు సమస్యలు వచ్చే ప్రమాదం ఉందని కేంద్రం భావించింది.
ఢిల్లీలో ప్రస్తుతం లీటర్‌ డీజిల్ ధర పెట్రోల్ బంకులో రూ.95.20గా ఉంది. అదే బల్క్ కొనుగోలుదారులకు ఈ ధర రూ.134.50గా ఉంది. ఈ కారణంగా పరిశ్రమలు, వాణిజ్య సంస్థలు బల్క్ డిపోల బదులు బంకుల వైపు మొగ్గు చూపుతున్నట్లు ప్రభుత్వం ప్రదర్శిస్తుంది. పశ్చిమాసియా ఉద్రిక్తతల ప్రభావంతో అంతర్జాతీయంగా ముడిచమురు సరఫరా వ్యవస్థపై ఒత్తిడి పెరిగిందని గుర్తుచేసింది. షిప్పింగ్ వ్యవస్థ కూడా ప్రభావితమవడంతో దేశీయంగా ఇంధన లభ్యతపై ప్రభావం పడే అవకాశం ఉందని ఆందోళన వ్యక్తం చేసింది. ఈ నేపథ్యంలోనే తాజా ఆంక్షలు తీసుకొచ్చింది.
మరోవైపు ‘పెట్రోలియం అండ్ ఎక్స్‌ప్లోసివ్స్‌ సేఫ్టీ ఆర్గనైజేషన్‌’ (పీఈఎస్‌ఓ) అనుమతి పొందిన కంపెనీలకు మాత్రమే డీజిల్ విక్రయించాలి. రోజుకు ఒక వాహనం లేదా ఒక వాహనానికి గరిష్ఠంగా 200 లీటర్ల వరకు మాత్రమే డీజిల్‌కు వినియోగదారులను అందిస్తుంది. దీన్ని మళ్లీ విక్రయించడం పూర్తిగా నిషేధం. నిల్వ చేయడం, బ్లాక్ మార్కెటింగ్, అనధికారిక కొనుగోళ్లు, ఇంధన మళ్లింపుపై ప్రభుత్వాలు కఠిన చర్యలు తీసుకోవాలని సూచించింది. ఈ ఆంక్షలు మొదట 90 రోజుల పాటు అమల్లో ఉంటాయి. అవసరమైతే మరో ఉత్తర్వుతో గడువు పొడిగించే అవకాశం ఉంది. అన్ని సాధారణ సరఫరాకు ఇంధన కొరత ఏర్పడకుండా చూడటమే ఈ నిర్ణయం లక్ష్యమని కేంద్రం.
– ప్రకటన –
