రామ్ చరణ్ : ‘పెద్ది’ సూపర్ హిట్.. కానీ చరణ్ ఎక్కడ..? చెప్పినట్టే.. | పెద్ది రిలీజ్ తర్వాత రామ్ చరణ్ హ్యాండ్ ఆపరేషన్ కి వెళ్లాడు

రామ్ చరణ్

Ram Charan : రామ్ చరణ్ పెద్ది సినిమా సూపర్ హిట్ అయింది. ప్రీమియర్స్ నుంచే పాజిటివ్ టాక్ తో దూసుకుపోతుంది. రామ్ చరణ్ పర్ఫార్మెన్స్ కి ఫిదా అవుతున్న ప్రేక్షకులు. సెకండ్ హాఫ్, క్లైమాక్స్ లో అయితే చరణ్ పర్ఫార్మెన్స్ చూసి కన్నీళ్లు పెట్టుకుంటున్నారు. అయితే సినిమా రిలీజ్ ముందు వరకు ప్రమోషన్స్ లో హడావిడి చేసిన చరణ్ సినిమా రిలీజ్ ముందు రోజు నుంచి ఎక్కడా కనిపించట్లేదు.

రామ్ చరణ్ కి పెద్ది సినిమాలో కుస్తీ పోటీలకు సంబంధించిన షూటింగ్ చేస్తుండగా పలు గాయాలు అయ్యాయి. ముఖ్యంగా మణికట్టుకి పెద్ద గాయం అయింది. మణికట్టు లోపల చాలా ఎఫెక్ట్ అయింది. అప్పటికి ఫిజియో చేయించుకొని షూటింగ్ లో ఉన్నప్పుడు. అయితే తర్వాత దానికి ఆపరేషన్ అవసరమని చెప్పారు. పెద్ది ప్రమోషన్స్ సమయంలో చరణ్ తన చేతికి మణికట్టు వద్ద ఒక మెడికల్ బ్యాండ్ వేసుకున్నాడు.

ఇది కూడా చదవండి: Buchibabu Sana : బుచ్చిబాబుది ఎంత మంచి మనసో.. పవన్ కళ్యాణ్ నియోజకవర్గంలో..

చరణ్ కూడా ఈ గాయం గురించి చెప్పి పెద్ది ప్రమోషన్స్ అయ్యాక, సినిమా రిలీజ్ అయ్యాక ఆపరేషన్ చేయించుకుంటాను. ఇప్పుడు చేయించుకుంటే రెస్ట్ తీసుకోవాలి. ప్రమోషన్స్ ఆగకూడదు అని చెప్పారు. పెద్ది సినిమా కోసం చరణ్ ఎంత కష్టపడ్డాడో అందరికి తెలుసు. ప్రమోషన్స్ కోసం తన ఆపరేషన్ ని కూడా వాయిదా వేసుకోవడంతో అంతా అభినందించారు.

సినిమా ముందు రిలీజ్ రోజు నుంచే చరణ్ ఎక్కడా కనిపించలేదు. మూవీ యూనిట్, చరణ్ భార్య ఉపాసన సైతం థియేటర్స్ లో సినిమా చూసారు కానీ చరణ్ కనపడలేదు. ఈరోజు జరిగిన సక్సెస్ ప్రెస్ మీట్ లో చరణ్ కూడా కనిపించలేదు. దీంతో చరణ్ ముందే చెప్పినట్టే సినిమా రిలీజ్ అయ్యాక మణికట్టుకు ఆపరేషన్ చేయించుకోడానికి వెళ్లి ఉంటాడని. సన్నిహితుల సమాచారం ప్రకారం అపోలో హాస్పిటల్ లో చరణ్ కి మణికట్టు ఆపరేషన్ చేసారని, చరణ్ రెస్ట్ తీసుకుంటున్నాడని తెలుస్తుంది. అభిమానులు త్వరగా కోలుకోవాలని కోరుకుంటారు. ప్రస్తుతం ఆపరేషన్ చేయించుకున్నాడు కాబట్టి కోలుకున్నాక ఈ సినిమా సక్సెస్ మీ చరణ్ నిర్వహించిందని సమాచారం.

ఇది కూడా చదవండి: Janhvi Kapoor : ‘పెద్ది’లో జాన్వీ కపూర్ కి డబ్బింగ్ చెప్పింది ఎవరో తెలుసా..?