Vijay Deverakonda : విజయ్ దేవరకొండ హీరో గా నటించిన సినిమాల్లో ఘోరమైన డిజాస్టర్ ఫ్లాప్ గా నిల్చిన చిత్రం ‘వరల్డ్ ఫేమస్ లవర్’. అప్పట్లో భారీ అంచనాల నడుమ విడుదలైన ఈ సినిమా , కనీసం ఫుల్ రన్ లో 10 కోట్ల రూపాయిల షేర్ వసూళ్లను కూడా రాబట్టలేకపోయింది. ఆ కారణం చేత నిర్మాతకు భారీ రేంజ్ లో నష్టం వచ్చింది. ఈ నిర్మించింది మరెవరో కాదు , అభిషేక్ నామా. ఈయన గతం లో ‘కత్తికేయ 2’ నిర్మించారు. ఆ సినిమా ఎంత పెద్ద హిట్ అయ్యిందో ప్రత్యేకించి చెప్పనవసరం లేదు. రీసెంట్ గా ఆయన ‘నాగబంధం’ అనే చిత్రాన్ని నిర్మిస్తూ దర్శకత్వం కూడా వహించారు. రేపు ఈ చిత్రం ప్రపంచవ్యాప్తంగా అన్ని ప్రాంతీయ భాషల్లో గ్రాండ్ గా విడుదల కానుంది. ఈ సందర్భంగా ఈ చిత్రానికి సంబంధించిన ప్రొమోషన్స్ లో భాగంగా ఆయన అనేక ఇంటర్వ్యూస్ ఇచ్చారు.
ఒక ఇంటర్వ్యూ లో ఆయన విజయ్ దేవరకొండ పై చాలా తీవ్రంగా విరుచుకుపడ్డారు. ఆయన మాట్లాడుతూ ‘విజయ్ దేవరకొండ తో నేను వరల్డ్ ఫేమస్ లవర్ అనే చిత్రాన్ని నిర్మించాను. భారీ డిజాస్టర్ ఫ్లాప్ అయ్యింది. నేను చాలా పెద్ద మొత్తమే నష్టపోయాను. అయినా నేను విజయ్ దేవరకొండ కి ఇచ్చిన రెమ్యూనరేషన్ లో ఒక్క పైసా కూడా వెనక్కి ఇవ్వమని అడగలేదు. ఆ నష్టాన్ని రీకవర్ చేసిన మా బ్యానర్లో ఒక సినిమా చేస్తానని ఆయన మాట ఇచ్చారు. 3 సంవత్సరాలు దాటింది , ఇప్పటి వరకు ఆ అంశం పై కనీస స్పందన లేదు’ అంటూ చెప్పుకొచ్చారు అభిషేక్ నామా. అయితే ఒక్కోసారి కమిట్మెంట్స్ లో భాగంగా మర్చిపోయి ఉండొచ్చు , ఇప్పుడు ఈ ఇంటర్వ్యూ చూసే విజయ్ దేవరకొండ స్వయంగా అభిషేక్ కి ఫోన్ చేసి సినిమా చేద్దామని చెప్పొచ్చేమో చూద్దాం అంటూ సోషల్ మీడియా లో నెటిజెన్స్ కామెంట్స్ చేస్తున్నారు.
