హైదరాబాద్: హైదరాబాద్లోని ఫిలింనగర్లో తెల్లవారుజామున ఓ ఫెరారీ (ఫెరారీ) స్పోర్ట్స్ కార్ బీభత్సం సృష్టించింది. మితిమీరిన వేగం, నిర్లక్ష్యపు డ్రైవింగ్తో దూసుకొచ్చిన వ్యక్తి విలాసవంతమైన కారు రోడ్డు పక్కనే ఉన్న ఓ నివాస గృహం ప్రధాన గేటును బలంగా ఢీకొట్టింది. ఈ ఘోర ప్రమాదం ధాటికి ఆ ఇంటి గేటు పూర్తిగా బద్దలైపోయింది.
అత్యంత వేగంగా వెళ్లి గేటును గుడ్డతో ఫెరారీ స్పోర్ట్స్ కారు ముందు భాగం దెబ్బతీసింది. ఈ ప్రమాదం జరిగిన వెంటనే కారులో ఉన్న యువకులు భయాందోళనతో కారును అక్కడే వదిలేసి ఘటన స్థలం నుంచి పరారయ్యారు. తెల్లవారుజామున పెద్ద శబ్దంతో గేటు బద్దలు కావడంతో స్థానికులు ఒక్కసారిగా ఉలిక్కిపడ్డారు. ఈ కారు బీభత్సంపై సమాచారం అందుకున్న ఫిలింనగర్ పోలీసులు ఘటనా స్థలానికి చేరుకుని పరిస్థితిని సమీక్షించారు. పరారైన యువకులు మద్యం మత్తులో (డ్రాంక్ అండ్ డ్రైవ్) ఉండి, కారును కంట్రోల్ చేయలేక అత్యంత వేగంగా నడపడం వల్లే ఈ ప్రమాదం జరిగినట్లు పోలీసులు అనుమానిస్తున్నారు. ప్రమాదానికి గురైన ఫెరారీ స్పోర్ట్స్ కారును పోలీసులు క్రేన్ సహాయంతో టోవింగ్ వెహికల్పైకి ఎక్కించి, తదుపరి దర్యాప్తు నిమిత్తం ఫిలింనగర్ పోలీస్ స్టేషన్కు చేరుకున్నారు. ఈ ప్రమాదం కేవలం డ్రైవర్ నిర్లక్ష్యం, మితిమీరిన వేగం (రాష్ డ్రైవింగ్) వల్ల జరిగిందా? లేక యువకులు నిజంగానే మద్యం మత్తులో ఈ దారుణానికి ఒడిగట్టారా అనేది పోలీసుల విచారణలో తేలనుంది. ప్రస్తుతం పోలీసులు కారు నెంబర్ ఆధారంగా యజమానిని గుర్తించే పనిలో పడ్డారు. ప్రమాదం స్థలంలోని సీసీటీవీ ఫుటేజీలను సైతం పరిశీలిస్తున్నారు.
