భారత క్రికెట్ జట్టులోకి కొత్తగా ఎంపికైన ఫాస్ట్ బౌలర్ ప్రిన్స్ యాదవ్ ప్రయాణం అత్యంత విలక్షణమైనది. ఆఫ్ఘనిస్తాన్, ఐర్లాండ్, ఇంగ్లాండ్లతో సిరీస్ల కోసం అతను భారత వైన్, టీ20 జట్లకు తొలిసారిగా పిలుపునిచ్చాడు. ఇంగ్లాండ్తో జరిగిన రెండో టీ20లో భారత్ ఓడిపోవడంతో, తదుపరి మ్యాచ్లో అతను మైదానంలోకి దిగే అవకాశాలు పుష్కలంగా ఉన్నాయి.
ఢిల్లీ శివార్లలోని దరియాపూర్ ఖుర్ద్కు చెందిన ప్రిన్స్ ప్రస్థానం అనేక అడ్డంకులను దాటుకుని సాగింది. రైల్వే పోలీస్ ఆఫీసర్గా రిటైర్ అయిన అతని తండ్రి రామ్ నివాస్, కొడుకు భవిష్యత్తు కోసం అతడిని ప్రభుత్వ ఉద్యోగం వైపు నడిపించాలనుకున్నారు. ప్రిన్స్ ఢిల్లీ పోలీస్ శారీరక పరీక్షల్లో ఉత్తీర్ణుడైనప్పటికీ, క్రికెట్ మీదున్న ఇష్టంతో రాత పరీక్షలను ఉద్దేశపూర్వకంగానే రాసేవాడు కాదు. ఈ సహాయం తల్లి సంతోష్ అతనికి అండగా నిలిచింది.
ప్రిన్స్ 18 ఏళ్ల వయసు వచ్చే వరకు అసలు లెదర్ బాల్ను తాకలేదు. నజాఫ్గఢ్లో టెన్నిస్ బాల్ టోర్నమెంట్లలో తన వేగంతో స్థానిక బ్యాటర్లను భయపెట్టేవాడు. అతని ప్రతిభను గుర్తించిన కోచ్ అమిత్ వశిష్ట.. ప్రిన్స్కు ప్రొఫెషనల్ శిక్షణ ఇచ్చారు. అయితే.. 2019లో వయోపరిమితి వివాదం కారణంగా బీసీసీఐ అతడిపై రెండేళ్ల నిషేధం విధించడంతో అతని కెరీర్కు పెద్ద బ్రేక్ పడింది.
కానీ, ప్రిన్స్ పట్టుదల కోల్పోకుండా నెట్ బౌలర్గా మళ్లీ తన ప్రయాణాన్ని ప్రారంభించాడు. 2024 దేశీవాళీ సీజన్లో విజయ్ హజారే ట్రోఫీలో 18 వికెట్లు, ఢిల్లీ ప్రీమియర్ లీగ్లో 13 వికెట్లు తీసి సెలక్టర్ల దృష్టిని ఆకర్షించాడు. ఈ ప్రదర్శనతో లక్నో సూపర్ జెయింట్స్ అతడిని రూ. 30 లక్షలకు కొనుగోలు చేసింది. ఐపీఎల్ 2026 సీజన్లో 13 మ్యాచ్ల్లో 16 వికెట్లతో రాణించాడు. ముఖ్యంగా విరాట్ కోహ్లీ సలహాతో నేర్చుకున్న ఇన్స్వింగర్తోనే అదే కోహ్లీని డకౌట్ చేయడం అతని కెరీర్లోనే ఒక అద్భుతమైన క్షణం. ఈ అసాధారణ ప్రదర్శనతో జాతీయ జట్టులోకి వచ్చిన ప్రిన్స్.. ఆఫ్ఘనిస్తాన్పై వైన్ అరంగేట్రంలో 2/56, ఐర్లాండ్పై టీ20 అరంగేట్రంలో 3/22తో తానేంటో నిరూపించుకున్నాడు.
