పెద్ది క్లోజింగ్ కలెక్షన్స్ : గ్లోబల్ స్టార్ రామ్ చరణ్ నటించిన ‘పెద్ది’ మూవీ బాక్స్ ఆఫీస్ రన్ దాదాపుగా ముగిసింది. ఎల్లుండి నుండి ఈ చిత్రం నెట్ ఫ్లిక్స్ లో స్ట్రీమింగ్. విడుదలైన మొదటి రోజు మొదటి ఆట నుండి ఈ చిత్రం ఆడియన్స్ నుండి అద్భుతమైన టాక్ వచ్చింది. మధ్యలో కొంతమంది ఆడియన్స్ ఈ సినిమాలో కొన్ని సన్నివేశాలపై అభ్యంతరాలు వ్యక్తం చేస్తూ నెగెటివిటీ పెంచడానికి కూడా వసూళ్లు ఆగలేదు. నాన్ స్టాప్ గా బాక్స్ ఆఫీస్ ని కుమ్ముతూనే ఉంది ఈ చిత్రం. 32 వ రోజున కూడా ప్రధాన నగరాల్లో ఈ చిత్రం హౌస్ ఫుల్ బోర్డ్స్ ని నమోదు చేసుకుందంటే సాధారణమైన విషయం కాదు. ఓవరా గా థియేట్రికల్ రన్ ని పూర్తి చేసుకున్న ఈ ప్రాంతాల వారిగా ఎంత షేర్ వసూళ్లు వచ్చాయి అనేది ఇప్పుడొకసారి చూద్దాం.
నైజాం ప్రాంతంలో 16 కోట్ల ఓపెనింగ్తో మొదలైన ఈ చిత్రం 55 కోట్ల రూపాయల షేర్ వసూళ్లతో ముగిసింది. ఇది చాలా మంచి రన్ అంటే చెప్పాలి , కానీ ఓపెనింగ్స్ ఇంకా బాగా ఉంటే , ఈ సినిమా క్లోజింగ్ ఇంకా పెద్దదిగా ఉంటుందని అంటున్నారు. ఇక రామ్ చరణ్ కి కంచుకోటగా పిలవబడే రాయలసీమ ప్రాంతం లో ఆశించిన స్థాయి వసూళ్లు రాలేదు. 24 కోట్ల రూపాయలకు ఈ సినిమా థియేట్రికల్ రైట్స్ కొనుగోలు చేయగా, కేవలం 21 కోట్ల 26 లక్షల రూపాయల షేర్ వసూళ్లు మాత్రమే వచ్చాయి. అదే విధంగా ఉత్తరాంధ్ర ప్రాంతం నుండి 23 కోట్ల 20 లక్షలు , ఈస్ట్ గోదావరి నుండి 13 కోట్ల రూపాయిలు , వెస్ట్ గోదావరి నుండి 9 కోట్ల 22 లక్షల రూపాయల షేర్ వసూళ్లు వచ్చాయి.
ఇక కృష్ణా జిల్లా నుండి 10 కోట్ల 39 లక్షల రూపాయల షేర్ వసూళ్లను రాబట్టగా, గుంటూరు జిల్లా నుండి 12 కోట్ల 76 లక్షలు , నెల్లూరు జిల్లా నుండి 6 కోట్ల రూపాయల షేర్ వసూళ్లు వచ్చాయి. ఓవరాల్ గా ఈ చిత్రం తెలుగు రాష్ట్రాల నుండి 150 కోట్ల రూపాయిల 80 లక్షల షేర్ వసూళ్లు , 234 కోట్ల రూపాయల గ్రాస్ వసూళ్లు వచ్చాయి. అదే విధంగా కర్ణాటక నుండి 15 కోట్ల 30 లక్షల రూపాయిలు , తమిళనాడు + కేరళ నుండి 2 కోట్ల 40 లక్షలు , హిందీ + రెస్ట్ ఆఫ్ ఇండియా నుండి 12 కోట్ల 15 లక్షలు , ఓవర్సీస్ నుండి 23 కోట్ల 80 లక్షల రూపాయల షేర్ వసూళ్లు వచ్చాయి. ఓవరాల్ గా 205 కోట్ల రూపాయిల షేర్ వసూళ్లు 350 కోట్ల రూపాయల గ్రాస్ వసూళ్లు వచ్చాయి. ఓవరాల్ వరల్డ్ వైడ్ బిజినెస్ 220 కోట్ల రూపాయలకు జరగ్గా 15 కోట్ల నష్టం వాటిల్లింది.
