ప్రపంచవ్యాప్తంగా ఆర్టిఫిషియల్ ఇంటెలిజెన్స్ (AI) రంగం అపూర్వమైన వృద్ధిని నమోదు చేస్తోంది. AI ఆధారిత కంపెనీల షేర్లు రికార్డు స్థాయిలో పెరుగుతుందని పెట్టుబడిదారులు భారీగా ఈ రంగంపై దృష్టి సారిస్తున్నారు. అయితే ఈ ఉత్సాహం మధ్య ప్రముఖ పెట్టుబడిదారు వారెన్ బఫెట్ దాదాపు 25 ఏళ్ల క్రితం చేసిన ఒక హెచ్చరిక ఇప్పుడు మరోసారి చర్చనీయాంశంగా మారింది.
వారెన్ బఫెట్ తన షేర్ హోల్డర్లకు రాసిన వార్షిక లేఖల్లో మార్కెట్ బబుల్స్ గురించి పలుమార్లు ప్రస్తావించారు. ఆయన చెప్పిన అత్యంత ప్రసిద్ధ వ్యాఖ్యల్లో ఒకటి అలలు తగ్గినప్పుడే ఎవరు దుస్తులు లేకుండా ఈదుతున్నారో తెలుస్తుంది (ఓన్లీ ఎప్పుడైతే ఆటుపోట్లు బయటికి వెళ్తుందో మీరు తెలుసుకుంటారు. ఈ మాటల ద్వారా ఆయన చెప్పదలచుకున్న విషయం.. మార్కెట్ బాగా ఉన్నప్పుడు బలహీనమైన కంపెనీలు కూడా విజయవంతమైనట్లే కనిపిస్తున్నాయి. కానీ పరిస్థితులు మారి మార్కెట్ క్షీణించినప్పుడు నిజంగా బలమైన వ్యాపారాలు, బలహీనమైన కంపెనీలు ఏవో స్పష్టంగా బయటపడతాయి.
1999-2000 డాట్కామ్ బూమ్ సమయంలో కూడా ఇదే పరిస్థితి కనిపించింది. ఇంటర్నెట్కు సంబంధించిన దాదాపు ప్రతి కంపెనీ షేర్లు విపరీతంగా పెరిగాయి. చాలా మంది పెట్టుబడిదారుల భవిష్యత్తు మొత్తం ఇంటర్నెట్దేనని నమ్మి భారీగా పెట్టుబడులు పెట్టారు. అయితే వారెన్ బఫెట్ కంపెనీల అసలు వ్యాపార బలం, లాభదాయకత, నగదు ప్రవాహం వంటి అంశాలను పరిశీలించకుండా పెట్టుబడి పెట్టకూడదని స్పష్టం చేశారు. కొద్ది కాలానికే డాట్కామ్ బబుల్ పగిలిపోవడంతో అనేక కంపెనీలు దివాలా తీశాయి.
ప్రస్తుతం AI రంగంలో కూడా ఇలాంటి పరిస్థితులు కనిపిస్తున్నాయని మార్కెట్ విశ్లేషకులు. AI టెక్నాలజీ భవిష్యత్తును మార్చే శక్తిని కలిగి ఉంటుంది, ప్రతి AI కంపెనీ విజయవంతమవుతుందని భావించడం ప్రమాదకరమని నిపుణులు హెచ్చరిస్తున్నారు. మార్కెట్లో ఉత్సాహం కారణంగా కొన్ని కంపెనీల వాస్తవ ఆదాయం, లాభాలతో చాలా ఎక్కువ స్థాయికి చేరాయని వారు సూచిస్తున్నారు.
వారెన్ బఫెట్ పెట్టుబడి తత్వం ప్రకారం.. ఒక కంపెనీలో పెట్టుబడి పెట్టే ముందు దాని వ్యాపార నమూనా, లాభదాయకత, అప్పులు, యాజమాన్య నాణ్యత, భవిష్యత్తు వృద్ధి అవకాశాలను పూర్తిగా పరిశీలించాలి. కేవలం ట్రెండ్ లేదా హైప్ను చూసి పెట్టుబడి పెట్టడం దీర్ఘకాలంలో నష్టాలకు దారితీయొచ్చని ఆయన ఎప్పటి నుంచో చెబుతున్నారు.
AI రంగంలో అవకాశాలు అపారంగా ఉంటాయి.. పెట్టుబడిదారులు భావోద్వేగాలకు లోనవకుండా జాగ్రత్తగా నిపుణుల నిపుణులు సూచిస్తున్నారు. బఫెట్ చెప్పినట్లుగా.. మార్కెట్లో నిజమైన బలం కష్టకాలంలోనే బయటపడుతుంది. అందువల్ల AI లో కూడా కంపెనీల ప్రాథమిక అంశాలను పరిశీలించండి.. దీర్ఘకాలిక దృష్టితో పెట్టుబడులు పెట్టడం ఉత్తమ వ్యూహాత్మకంగా.
ప్రస్తుత AI ప్రపంచ ఆర్థిక వ్యవస్థలో కీలక మార్పులకు దారితీస్తున్నా.. చరిత్ర చెబుతున్న పాఠం ఒక్కటే. ఏ కొత్త టెక్నాలజీ వచ్చినా దాని చుట్టూ భారీ ఉత్సాహం ఉంటుంది. కానీ చివరికి నిలబడేది బలమైన వ్యాపార నమూనా, స్థిరమైన ఆదాయం, సమర్థవంతమైన నిర్వహణ ఉన్న కంపెనీలే. అందుకే వారెన్ బఫెట్ 25 ఏళ్ల క్రితం చెప్పిన హెచ్చరిక నేటి AI యుగంలో కూడా పెట్టుబడిదారులకు విలువైన మార్గదర్శకంగా నిలుస్తోంది.
