- ప్రీమియం లేకుండానే రూ.7 లక్షల జీవిత బీమా
- EPF సభ్యులకు తెలియని అద్భుత ప్రయోజనం
- అత్యవసర పరిస్థితుల్లో కుటుంబానికి ఇది ఎంతో ఉపయోగపడే ఆర్థిక భద్రత
భవిష్యత్తు భద్రంగా, కుటుంబానికి ఆర్థిక భరోసా ఇవ్వాలంటే జీవిత బీమా అనేది చాలా ముఖ్యం. ప్రభుత్వ, ప్రైవేట్ సంస్థలు లైఫ్ ఇన్సూరెన్స్ సౌకర్యాలను కల్పిస్తున్నాయి. అయితే దీనికోసం ఎంతో కొంత ప్రీమియం చెల్లించాల్సి ఉంటుంది. కానీ అసలు ప్రీమియమే చెల్లించకుండా, ఫ్రీగా 7 లక్షల రూపాయల బీమా కవరేజీ పొందొచ్చు తెలుసా? అసలు ఇలాంటి పథకం ఉందా? అని ఆలోచిస్తున్నారా? అయితే మీరు ఈ సూచన కచ్చితంగా తెలుసుకోవాల్సిందే. మీకు పీఎఫ్ ఉంటే చాలు ఉచితంగా 7 లక్షల జీవిత బీమా అందుకోవచ్చు.
ఉద్యోగం చేసేవారి శాలరీ నుంచి ప్రతి నెలా కొంత మొత్తం ఎంప్లాయీస్ ప్రావిడెంట్ ఫండ్ లో జమ అవుతుంది. అయితే, అదే ఈపీఎఫ్ ఖాతాతో ఎలాంటి ప్రీమియం చెల్లించకుండానే రూ.7 లక్షల వరకు జీవిత బీమా కవరేజీ కూడా లభిస్తుందని చాలా మందికి తెలియదు. ఈ ప్రయోజనం ఎంప్లాయీస్ డిపాజిట్ లింక్డ్ ఇన్సూరెన్స్ స్కీమ్ ద్వారా పొందొచ్చు. దీనిని ఉద్యోగుల భవిష్య నిధి సంస్థ నిర్వహిస్తోంది. ఉద్యోగి సేవలో ఉండగానే మరణిస్తే, అతని కుటుంబ సభ్యులకు లేదా నామినీకి ఆర్థిక భద్రత కల్పించడమే ఈ పథకం లక్ష్యం.
EDLI పథకం అంటే ఏమిటి?
EDLI (ఎంప్లాయీస్ డిపాజిట్ లింక్డ్ ఇన్సూరెన్స్ స్కీమ్) 1976లో ప్రారంభించిన జీవిత బీమా పథకం. EPF కలిగిన ప్రతి ఉద్యోగికి ఈ బీమా ఖాతా కవరేజీ ఆటోమెటిక్గా వర్తిస్తుంది. ఈ పథకం కోసం ఉద్యోగికి ప్రత్యేకంగా దరఖాస్తు చేయాల్సిన అవసరం లేదు. అలాగే ఎలాంటి ప్రీమియం కూడా చెల్లించాల్సిన అవసరం ఉండదు.
ఈ బీమా కోసం ప్రీమియం ఎవరు చెల్లిస్తారు?
EDLI పథకంలో ఉద్యోగి నుంచి ఎలాంటి వసూలు చేయరు. ఈ బీమా కోసం యజమాని (ఎంప్లాయర్) ఉద్యోగి వేతనంలో 0.5 శాతం వరకు EPFOకు చెల్లిస్తారు. మొత్తంగా నెలకు రూ.75 వరకు మాత్రమే ఈ చెల్లింపు ఉంటుంది.
ఎవరు ఈ ప్రయోజనానికి అర్హులు?
EPF సభ్యులుగా ఉన్న ఉద్యోగులందరూ
ఉద్యోగ సమయంలో EPF కాంట్రిబ్యూషన్ కొనసాగుతున్న వారు
ఉద్యోగి సేవలో ఉండగానే మరణించిన సందర్భంలో నామిని లేదా చట్టబద్ధ వారసులు
ఈ పథకం, ప్రైవేట్ రంగాల్లో EPF వర్తించే సంస్థల్లో పనిచేసే ఉద్యోగులకు వర్తిస్తుంది.
ఎంత వరకు బీమా మొత్తం లభిస్తుంది?
EDLI పథకం కింద.. కనీస బీమా ప్రయోజనం రూ.2.5 లక్షలు. లక్షల బీమా ప్రయోజనం రూ.7 అందుబాటులో ఉంటాయి.
బీమా మొత్తం ఎలా లెక్కిస్తారు?
ఉద్యోగి మరణానికి ముందు చివరి 12 నెలల సగటు వేతనం ఆధారంగా బీమా నిర్ణయించారు.
సాధారణంగా గత 12 నెలల సగటు నెలవారీ వేతనం × 35 రెట్లు
అదనంగా బోనస్ మొత్తం
మొత్తం కలిపి రూ.7 లక్షల వరకు చెల్లిస్తారు.
EDLI క్లెయిమ్ ఎలా చేయాలి?
ఉద్యోగి మరణించిన తర్వాత నామినీ లేదా చట్టబద్ధ వారసులు క్లెయిమ్ చేసుకోవచ్చు.
అవసరమైన పత్రాలు:
ఫారం 5IF
ఉద్యోగి మరణ ధ్రువీకరణ పత్రం
నామిని గుర్తింపు పత్రం
బ్యాంక్ ఖాతా వివరాలు
రద్దు చేసిన చెక్ (రద్దు చేసిన చెక్)
అవసరమైతే వారసత్వ ధ్రువీకరణ పత్రం
ఈ పత్రాలను సంబంధిత EPFO ప్రాంతీయ సమర్పించాలి.
క్లెయిమ్ సెటిల్మెంట్కు ఎంత సమయం పడుతుంది?
EPFO మార్గదర్శకాల ప్రకారం, EDLI క్లెయిమ్లను ఎప్పుడైనా 20 రోజుల్లో పరిష్కరించాలి.
ఉద్యోగులు ఇప్పుడే చేయాల్సిన ముఖ్యమైన పని
చాలా కుటుంబాలు ఈ ప్రయోజనం గురించి తెలియక క్లెయిమ్ చేయలేకపోతున్నాయి. అందుకే ప్రతి EPF సభ్యుడు.. తన EPF ఖాతాలో e-Nomination తప్పనిసరిగా నమోదు చేయాలి. నామిని వివరాలను నవీకరించాలి. కుటుంబ సభ్యులకు ఈ బీమా గురించి ముందుగానే తెలియజేయాలి
EPF అనేది కేవలం పదవీ విరమణ పొదుపు పథకం మాత్రమే కాదు. దానితో పాటు ఎలాంటి అదనపు ప్రీమియం లేకుండానే రూ.7 లక్షల వరకు జీవిత బీమా రక్షణ కూడా లభిస్తుంది. అత్యవసర పరిస్థితుల్లో కుటుంబానికి ఇది ఎంతో ఉపయోగపడే ఆర్థిక భద్రత. కాబట్టి ప్రతి ఉద్యోగి EDLI పథకం గురించి అవగాహన పెంచుకుని, నామినీ వివరాలను సక్రమంగా నమోదు చేసుకోవడం చాలా ముఖ్యం.
