R Madhavan: తమిళనాడులో ఒకప్పుడు యూత్ ఆడియన్స్ లో మంచి క్రేజ్ సంపాదించుకున్న హీరోల్లో ఒకరు రంగనాథన్ మాధవన్. ముఖ్యంగా లేడీస్ లో ఈయనకి ఉన్నటువంటి ఫాలోయింగ్ మామూలుది కాదు. ఇప్పటికీ మంచి సినిమా తీస్తే ఆయన భారీ బ్లాక్ బస్టర్ ని అందుకునే అవకాశం ఉంది . తమిళం తో పాటు తెలుగు , హిందీ మరియు ఇతర ప్రాంతీయ భాషల్లో హీరో గా , క్యారెక్టర్ ఆర్టిస్ట్ గా ఎన్నో సూపర్ హిట్స్ అందుకున్నాడు మాధవన్. రీసెంట్ గా ‘ధురంధర్’ సిరీస్లో ఆయన చేసిన పాత్రకు ఆడియన్స్ నుండి ఏ రేంజ్ రెస్పాన్స్ వచ్చిందో మన కళ్లారా చూశాము . ఇలాంటి సంచలనాత్మక పాత్రలతో నేటి తరం ఆడియన్స్ లో కూడా మంచి క్రేజ్ సంపాదించుకున్నాడు మాధవన్. అయితే రీసెంట్ గా జరిగిన ఒక ఇంటర్వ్యూలో ఆయన మాట్లాడిన కొన్ని మాటలు ఇప్పుడు సోషల్ మీడియాలో బాగా వైరల్ అయ్యాయి.
ఆయన మాట్లాడుతూ ‘ఒకానొక సమయం లో కొంతమంది విశ్లేషకులు నా దగ్గరకు ఒక డేటాతో వచ్చారు. మీకు ఏ సెంటర్స్ లో మంచి ఫాలోయింగ్ ఉంది , కానీ బీ , సి సెంటర్స్ లో లేదు , అక్కడ ప్రేక్షకులను ఆకట్టుకునే సినిమాలు చేయకపోతే మీరు రజినీకాంత్ లాగా అవ్వలేరు అని చెప్పారు. గ్రామీణ ప్రేక్షకులు మిమ్మల్ని గుండెల్లో పెట్టుకొని ఆదరించినప్పుడే మరో రజినీకాంత్ కాగలరు అంటూ చెప్పుకొచ్చారు. ఇలాంటి సలహాలు తీసుకొనే , నాకు సరిపోయే ఒక కథకు ఒకే చెప్పను . అందులో నా పాత్ర చాలా వీక్ గా ఉంటుంది. తనని తానూ పోషించుకోవడానికి కూడా చాలా కష్టపడేలా ఉంటుంది. పైగా చదువు లేదు , క్రికెట్ లో రాణించాలి అనే గొప్ప కల ఉన్న యువకుడి కథ అది. ఎన్నో ఆశలతో సినిమా తీస్తే , అది పెద్ద ఫ్లాప్ అయ్యింది , దెబ్బకు స్టూడియో ని కూడా మూసుకునే పరిస్థితి ఏర్పడింది’ అంటూ మాధవన్ చాలా ఎమోషనల్ గా చెప్పుకొచ్చాడు .
ఇంకా ఆయన మాట్లాడుతూ ‘ఆ దెబ్బతో నా కళ్ళు ఒక్కసారిగా తెరుచుకున్నాయి. ఎదుటి వాళ్ళు ఇచ్చే సలహాలు గుడ్డిగా తీసుకోవడం మానేసాను , నాకు నచ్చితేనే సినిమాలు చేయడం మొదలు పెట్టాను , పాన్ ఇండియా లెవెల్ లో గుర్తింపు వచ్చింది’ అంటూ ఆయన చెప్పుకొచ్చాడు. ఇకపోతే రీసెంట్ గా మాధవన్ రాజమౌళి దీనికి ప్రదర్శిస్తున్న ‘వారణాసి’ చిత్రం లో హనుమంతుడి క్యారెక్టర్ చేసినట్టు కనిపిస్తోంది, అధికారిక ప్రకటన రావాల్సి ఉంది.
