Roja And Ananta Sriram: రాజకీయాల్లో మగవాళ్ళు సైతం భయపడే స్థాయిలో తన వాగ్దాటితో ప్రత్యర్థులపై విరుచుకుపడే రోజా గురించి ప్రత్యేకంగా చెప్పాలా?, ఈమెపై విమర్శలు చేయడానికి ఎంత వారైనా ఒక్క క్షణం ఆలోచిస్తారు. ఎందుకంటే ఫైర్ బ్రాండ్ పేరుతో ఆమె మాట్లాడితే బూతులు అలా ఉంటాయి మరి. వైసీపీ పార్టీ అధికారంలో ఉన్నప్పుడు ఈమె సీఎం చంద్రబాబు , డిప్యూటీ సీఎం పవన్ కళ్యాణ్ , నారా లోకేష్ వంటి వారిపై ఏ స్థాయిలో విరుచుకుపడుతుందో మన కళ్లారా చూసాం. వాళ్ళని బూతులతో తిట్టినా సందర్భాలు కూడా ఉన్నాయి. అదే విధంగా కూటమి నేతలపైనా కూడా వినలేని పదాలతో బూతులు తిట్టేది ఈమె. ఇప్పుడు అధికారం తర్వాత పోయిన కూడా ఈమెలో జోష్ , ఎనర్జీ ఏమాత్రం తగ్గలేదు. ఒకప్పుడు ఎలా అయితే ప్రత్యర్థులపై విరుచుకొని పడేదో , ఇప్పుడు కూడా అలాగే పడుతోంది.
అయితే ఒకపక్క రాజకీయాల్లో యాక్టీవ్ గా ఉంటున్న రోజా, ఈమధ్య కాలంలో టీవీ షోస్ తో కూడా ఫుల్ బిజీ అయిపోయింది. ప్రతీ శని, ఆదివారాల్లో ప్రసారమయ్యే ‘డ్రామా జూనియర్స్ 8’ ప్రోగ్రాంలో రోజా ఒక న్యాయ నిర్ణేతగా వ్యవహరిస్తోంది. ఈమెతో పాటు సీనియర్ హీరో శ్రీకాంత్ , ప్రముఖ యంగ్ డైరెక్టర్ అనిల్ రావిపూడి వంటి వారు కూడా న్యాయ నిర్ణేతలుగా వ్యవహరించారు. ఈ షోకి సుడిగాలి సుధీర్ హోస్ట్ గా వ్యవహరించారు. ఈ షో కి ఆడియన్స్ నుండి అద్భుతమైన రెస్పాన్స్ వస్తోంది. ముఖ్యంగా పంచులు అయితే వేరే లెవెల్ లో ఉన్నాయి. ఆశ్చర్యాన్ని కలిగించే విషయం , రోజా కూడా తనపై వేసే పంచులు చాలా స్పోర్టివ్ గా తీసుకోవడమే. సుడిగాలి సుధీర్ , శ్రీకాంత్ , అనిల్ రావిపూడి వంటి వారు రోజా పై కురిపించే పంచులు వర్షం చూస్తే నవ్వు ఆపుకోలేరు.
గత వారం జరిగిన ఎపిసోడ్ కి ప్రముఖ గేయ రచయిత అనంత శ్రీరామ్ గెస్ట్ గా విచ్చేసారు. అనంత్ శ్రీరామ్ రాగానే ‘ఆ ఫ్లూట్ కి కాస్త దూరంగా ఉండండి, ఫ్లూట్ ఎదో , నువ్వేదో తెలియట్లేదు’ అని అంటుంది రోజా. అప్పుడు అనంత శ్రీరామ్ కౌంటర్ ఇస్తూ ‘మీరు కాస్త ఆ డ్రమ్ములకు దూరంగా ఉండండి’ అని అంటారు. అంటే రోజా ని డ్రమ్ తో పోల్చారు అన్నమాట. దీనిని రోజా జోక్ గానే తీసుకుంది కానీ , సోషల్ మీడియాలో మాత్రం టీడీపీ , జనసేన పార్టీ అభిమానులు ఈ వీడియో ని పోస్ట్ చేస్తూ తెగ వైరల్ చేస్తున్నారు. సోషల్ మీడియా లో బాగా వైరల్ అయినటువంటి ఈ వీడియో ని మీకోసం క్రింద అందించాము చూడండి.
— శాండీ పాపా YSCRP ☺️ (@PapalakeyPapa) జూలై 1, 2026
