అణు ఆయుధాల దేశాలు: ప్రపంచంలో అణుబాంబులు కలిగిన దేశాలు చాలా తక్కువ అయినా, వాటి శక్తి మాత్రం మొత్తం ప్రపంచాన్ని ప్రభావితం చేసే స్థాయిలో ఉంటుంది. ఒక అణుబాంబు పేలితే లక్షల మంది ప్రాణాలు కోల్పోయే ప్రమాదం ఉంటుంది. అందుకే అణ్వాయుధాలను ప్రపంచ దేశాలు అత్యంత రహస్యంగా, భారీ భద్రత మధ్య నిర్వహిస్తాయి. ప్రస్తుతం అధికారికంగా లేదా అనధికారికంగా అణ్వాయుధాలు కలిగి ఉన్న దేశాల సంఖ్య 9గా గుర్తించబడుతోంది. అయితే కొన్ని నివేదికల్లో NATO భాగస్వామ్య కారణాల వల్ల మరో దేశాన్ని కూడా చర్చలోకి తీసుకువస్తారు. దీనితో “10 అణ్వాయుధ శక్తులు” అనే జాబితా తరచుగా వినిపిస్తుంది. ఆ 10 దేశాల్లో ఇండియా కూడా ఉంది. ఆ వివరాల్లోకి వెళితే..
అణుబాంబును మొదటగా తయారు చేసి ఉపయోగించిన దేశం యునైటెడ్ స్టేట్స్. రెండో ప్రపంచ యుద్ధ సమయంలో 1945లో జపాన్లోని హిరోషిమా, నాగసాకిపై అమెరికా అణుబాంబులు వేసింది. ఆ తర్వాత ప్రపంచ రాజకీయాల్లో అణ్వాయుధాలు కీలక పాత్ర పోషించడం. ప్రస్తుతం అమెరికా వద్ద వేల సంఖ్యలో అణ్వాయుధాలు ఉన్నాయని అంచనా. భూమి, జలాంతర్గాములు, యుద్ధవిమానాల ద్వారా వీటిని ప్రయోగించే సామర్థ్యం అమెరికాకు ఉంది.
రష్యా ప్రపంచంలోనే అత్యధిక అణ్వాయుధాలు కలిగిన దేశంగా భావిస్తున్నారు. శీతల యుద్ధ కాలం నుంచి అమెరికాతో అణ్వాయుధ పోటీలో ఉన్న రష్యా ఇప్పటికీ శక్తివంతమైన మిస్సైల్ వ్యవస్థలను నిర్వహిస్తోంది. హైపర్సోనిక్ అణు క్షిపణులు కూడా రష్యా వద్ద ఉన్నాయని నివేదికలు చెబుతున్నాయి.
చైనా గత కొన్నేళ్లుగా తన అణ్వాయుధ శక్తిని వేగంగా పెంచుకుంటోంది. చైనా ఆధునిక క్షిపణి వ్యవస్థలు, అణు జలాంతర్గాములు, దీర్ఘశ్రేణి అణు దాడి సామర్థ్యాలను అభివృద్ధి చేస్తోంది. ఆసియాలో చైనా ఎదుగుదల ప్రపంచ దేశాలను ఆందోళనకు గురిచేస్తోంది.
భారతదేశం 1974లో మొదటి అణు పరీక్ష నిర్వహించబడింది. ‘స్మైలింగ్ బుద్ధ’ పేరుతో జరిగిన ఈ పరీక్ష తర్వాత భారత్ అణుశక్తి దేశంగా గుర్తింపు పొందింది. తర్వాత 1998లో పోఖ్రాన్ పరీక్షలతో భారత్ తన అణుప్రపంచానికి స్పష్టంగా తెలియజేసింది. భారత్ ‘నో ఫస్ట్ యూజ్’ పాట ప్రకటించింది. అంటే ముందుగా అణుదాడి చేయమని.. కానీ దాడి జరిగితే భారీ ప్రతిదాడి చెబుతోంది.
పాకిస్తాన్ భారత్కు ప్రత్యర్థిగా అణ్వాయుధ అభివృద్ధి చేసింది. 1998లో పాకిస్థాన్ అణు పరీక్షలు నిర్వహించారు. అప్పటి నుంచి దక్షిణాసియాలో అణు ఉద్రిక్తతలు పెరిగాయి. భారత్-పాక్ సంబంధాలు క్షీణించిన ప్రతిసారి ప్రపంచం ఆందోళన చెందుతుంది.
ఉత్తర కొరియా ప్రపంచంలో అత్యంత వివాదాస్పద అణు శక్తిగా గుర్తించబడుతోంది. అనేక అంతర్జాతీయ ఆంక్షలు ఉత్తర కొరియా అణు పరీక్షలు, క్షిపణి ప్రయోగాలు కొనసాగుతున్నాయి. అమెరికా సహా పలు దేశాలకు ఇది భద్రతా సవాల్గా మారింది.
NATO కూటమిలో ఫ్రాన్స్, యునైటెడ్ కింగ్డమ్ కీలక అణు శక్తులు. ఈ రెండు దేశాలు సముద్ర మార్గంలో అణుదాడి చేసే జలాంతర్గామి వ్యవస్థలను బలోపేతం చేశాయి. యూరప్ భద్రతలో వీటి పాత్ర చాలా కీలకం.
ఇజ్రాయెల్ అధికారికంగా అణ్వాయుధాలు ఉన్నాయని ఎప్పుడూ ప్రకటించలేదు. కానీ ప్రపంచ నిపుణులు మాత్రం ఇజ్రాయెల్ వద్ద గోప్యంగా అణుబాంబులు ఉన్నాయి. మధ్యప్రాచ్య ప్రాంతీయ రాజకీయాల్లో ఇది అత్యంత సున్నితమైన అంశంగా ఉంది.
కొన్ని నివేదికల్లో జర్మనీ, బెల్జియం, ఇటలీ, టర్కీ వంటి NATO మిత్రదేశాల్లో అమెరికా అణ్వాయుధాలు నిల్వ ఉంచిన కారణంగా వాటిని కూడా చర్చలోకి తీసుకున్నారు. అయితే ఇవి స్వతంత్ర అణు శక్తులుగా పరిగణించబడవు.
ప్రపంచంలో అణ్వాయుధాల ఉనికి ఒకవైపు భద్రతను ఇస్తే, మరోవైపు భారీ వినాశన భయాన్ని కూడా పెంచుతోంది. అందుకే ఐక్యరాజ్యసమితి సహా అనేక అంతర్జాతీయ సంస్థలు అణు నిరాయుధీకరణపై నిరంతరం పిలుపునిస్తున్నాయి.
