TVK విజయ్ మరియు రాహుల్ గాంధీ: మొన్న జరిగిన తమిళనాడు అసెంబ్లీ ఎన్నికల్లో విజయ్ పార్టీ అత్యధిక స్థానాలను గెలుచుకున్నప్పటికీ.. అధికారాన్ని దక్కించుకున్న స్థాయిలోనే సొంతం చేసుకోలేకపోయింది. దీంతో అనేక పార్టీల సపోర్ట్ తీసుకోవాల్సి వచ్చింది విజయ్. ఇందులో కాంగ్రెస్ పార్టీ కూడా ఉంది. కాంగ్రెస్ పార్టీ డిఎంకెలో కూటమిగా.. ఇండియా కూటమిని లీడ్ చేస్తున్నప్పటికీ.. విజయ్ పార్టీకి సపోర్ట్ చేసింది. ప్రభుత్వ ఏర్పాటులో సపోర్ట్ చేసింది.
విజయ్ కూడా రాహుల్ గాంధీ చేసిన సహాయాన్ని మర్చిపోక.. రాజ్యసభ ఎన్నికల్లో.. ప్రవీణ్ చక్రవర్తి అనే వ్యక్తికి టికెట్ ఇచ్చాడు. అతడు కాంగ్రెస్ పార్టీకి చెందినవాడు. రాహుల్ గాంధీకి అత్యంత దగ్గరైనవాడు. తనకు సపోర్ట్ ఇచ్చినందుకు ఈ స్థాయిలో విజయ్ రుణం తీర్చుకున్నాడు. అయితే విజయ్ కి రాహుల్ గాంధీ కోలుకోలేని షాక్ ఇచ్చాడు. దీంతో తమిళనాడులో చర్చ మొదలైంది.
రాహుల్ గాంధీ ఆధ్వర్యంలో ఢిల్లీలో కీలకమైన ఇండియా కూటమి సమావేశం. ఈ సమావేశంలో ఇండియా కూటమిలో ఉన్న ఆప్, డీఎంకే మిగిలిన పార్టీలు హాజరయ్యాయి. అయితే ఈ సమావేశానికి తమిళనాడు ముఖ్యమంత్రి విజయ్ కి ఆహ్వానం లభించలేదు. కాంగ్రెస్ పార్టీకి ఇటీవల కాలంలో విజయ్ అత్యంత ఆప్తుడిగా మారిపోయాడు. అయినప్పటికీ ఆయనకు ఆహ్వానం లభించకపోవడం ఆశ్చర్యకరంగా ఉంది.
విజయ్ ని పిలవకపోవడం పట్ల కాంగ్రెస్ పార్టీ క్లారిటీ ఇచ్చింది. పార్లమెంట్ లేదా రాజ్యసభలో ఉన్న పార్టీలకు మాత్రమే ఈ సమావేశానికి ఆహ్వానం అందించామని కాంగ్రెస్ నేతలు చెప్పడం విశేషం. అయితే టీవీకే ఇంతవరకు అధికారికంగా ఇండియా కూటమిలో భాగస్వామి కాలేదు. అందుకే ఆయనకు ఆహ్వానం లభించలేదు అని కాంగ్రెస్ నేతలు అంటున్నారు.. కాంగ్రెస్ పార్టీ విజయ్ కి సపోర్ట్ ఇచ్చినప్పటికీ.. బహిరంగంగా మాత్రం ఆ స్థాయిలో అనుబంధాన్ని కాంగ్రెస్ పార్టీ ప్రదర్శించడం లేదు.
తమిళనాడు ఎన్నికల్లో ఐదు స్థానాలు గెలుచుకున్న కాంగ్రెస్ పార్టీ.. డీఎంకేకు హ్యాండ్ ఇచ్చింది. విజయ పార్టీకి సపోర్ట్ చేసింది. స్టాలిన్ కూడా తీవ్ర ఆగ్రహం వ్యక్తం చేశారు. అంతేకాదు విజయ్ కి ఆహ్వానం లభించకపోవడం తమిళనాడు రాజకీయాలలో చర్చకు దారితీసింది.
